Lucas 19

Yeso ka lyǝ a Urushalima na ogomo

28 Nangka Yeso ka beka nyimi, na ka kala aka ale Urushalima. 29 Nangka ka amara ka kapeng ka Betapaji ka ko Beta nya, kane ya e daki zuwǝ o mati ma Zaitun, na ka tonga atoma kai a leere, 30 aka bekaa ne na, "Lyǝ na a kapeng kaanini a izi o ying. Ka o lyǝ o ying, eyo laka ka bana ka kurungzǝ ka yende ka o tera, kame a ta a tukǝ ozalame ne. Dinggǝ na kai ka e deene arakana. 31 Ondo oka wa pirkǝ ying na, ‘Eyaka eya dinggǝ a kai?’ E bekaana, ‘Ateokora aro ya yeme a kai.’ "

32 Na andaaka atong ne ale, nane mana nangka Yeso ka bekaa ne. 33 Neya aza o dinggǝ kai naname, na ana kurungzǝ kame pirkǝ ne na, "Eyaka eya dinggǝ ka kurungzǝ kana?"

34 Nane bekaana, "Ateokora ya yeme a kai."

35 Nane de ka kai ba Yeso, ane nata madibi mane azaa kurungzǝ kame, ane ana Yeso nane eke azaa kai. 36 Kaya aza o ale naname, na aromo nasa madibi mane azaa orona.

37 Nangka Yeso ka amara ka Urushalima araaka orona wa jipi o zuwǝ o mati ma Zaitun, na o kurkǝnǝng ana o tare okai a cake ne bore o kona oleba, ane saba Ashili kale ngmelo ajǝng aza e pate epa e moole kane laka.

38 Nane bekaana, "Ondo kona o leba ogomo

oka waya deya a nyimi leze le Ateokora."

"O cikǝ a cammo aza shili,

a o saba itǝ a Ashili."

39 Pate ka nyimi na maParisa ma yende a nyimi o kurkǝnǝng aromo ne bekaa kai na, "Ondo baala, zurki a o kurkǝnǝng ana o tare o kane kome seete."

40 Naka kabare na, "Eyang baala o ying, aromo na ne kome a seete, acale ka tokpwe to ai neya saba Ashili."