Luka 9

Yeso ka tong atoma kai ka angmǝ a lebo

1 Yeso ka rare atoma kai betuuru ka leere ara yende, naka nya ne o bare ba za obere oburu, aa ne womza makono kanza. 2 A ka kang tonga ne ka ne zoole aza togomo te Ashili aa ne womza ana o dera o kona cammo. 3 Aka bekaa ne na, "Kane jeke eyapa a teweno te ying ne, na lebenda, ojeketa, epaolya, ka emate ne, kanza kana e jeke odibi kawa kala oyende ne. 4 Pate akwilǝ aka a emba ying, cikǝ na arame kazo lengme lo baya apengme. 5 A pate ara amea nyana emba o ying, e era o baya apeng ame, e zazame ma sorma ma tobona toying ka wa itǝ bena ne tera tokpwe to ne."*9:5 Nyimia maYahuda ne ezeze kawa wore o bena Ashili a yo core angmǝ aza one nangka ne nyana aromo ai. 6 Nane ere aa ne tare topepeng, aa ne zoole, aza oroka o lebo. Aane womza ana okono a kuruwǝ.