Lucas 9

12 O ongme ya amara a wa taru, na atoma betuuru ka leere name ne deya ara kai ane bekaana, "Baya aromo na ane ale a nyimi apeng ka topepeng to ma’amo ka ne gere epaolya ka ara omora. Obena ara ana a te rene aromo ta rene ne a ai ne."

13 Na Yeso bekaa ne na, "Nyana ne eyapa ka ne lye."

Na ne kabare na, "Pate epa eka teye ka e, eta kala maborode esu ka ekwala e leere ne. Na Ateokora oya yeme ate wiinia kate lye ka aromo na?" 14 Andaleme me belle ne dukǝ magu esu.

Na Yeso bekaa atoma kai na, "Bekaana aromo me na ne cikǝ e tuuru sussu."

15 Na atoma kai, ne tare o bekaa kai, na pate one cikǝ. 16 Na Yeso jeke maborode esu ka ekwala leere name, aka ara okpwe zaa shili, aka bose Ashili aka posea pate. Malo nyimi aka nya atoma kai ka ne areseze aromo me. 17 Pate one ne lye na ne ti, a atoma kai ne shende madangare mame, na ma pene makende betuuru ka ma leere.