Mateus 18

Ozara ooka wata pisǝzǝ epa eeka ya wa ne

21 Na Biturusu paka ting Yeso nawa pirkǝ na, "Ateokora, ka wondaa orone ong wa tambo a mi ang pisi wai? Ka o sondaare na?" 22 Na Yeso bekaa na, "Ka o sondaare belle dai, ka o sondaarea o dukǝa etuuru sondaare.

23 "Aza nyimi ayo kedeya togomo te a zaa shili ka ogomo omea waya yeme o eza abalo ocǝ wai ka eeya taara te azara wai. 24 Nangka wa bore obala ocǝ wai me, naa de ka ondo omea ogomo me tare wai emate magu betuuru. 25 O bena wato ama o ara me ne, na ateakwilǝ wai wa ote ka a lishi wai ka ondaye wai ka ayana wai ka pate magogoro ma wai, ka a are uduru me. 26 Na ozara me tunggunu a begeshe be wai a wa bose wai na, "Ateakwilǝ tana o mungi ne, eyang arau ba pat." 27 A aza obena ateakwilǝ me wa kone egonegone ozara me, nawa baya a wai kaa uduru me. 28 "Nangka ozara me wa ere arakaname, ka o surǝ wai nawa laka oja lezara awai, ka wa tare wai uduru o kap, emate lewinu. Nawa moke lengmelo le wai, a wa beka wai na, "Arang pate epaaka ang taroo." 29 Na oja lezara me bose wai naa tana wa mungi ne eyang arau." 30 Na ozara me ta kabare ne, nyimia na wa ale ka wai na pate wai akwilǝ andaleme, seena wa are emate uduru me. 31 Nangka aja lezara le wai ne kone epaaka eya ale, neta ne kone oleba nyimi ne. Nane ale ba ateakwilǝ one nane bele wai epaaka ozara name wa ya. 32 Na ateakwilǝ me wa rare wai, nawa beka wai na, "Bo ozara oburua wai. Ma bayau ka uduru ooka ang taro aza obena ba de na obosheng, 33 wa ta gwara o kone egonegone o beja be lezara lo nangka maa kona egonegone o sang?" 34 Na ateakwilǝ wai wa mungi ka wai, aa wa ote na a gǝǝzǝ wai, aa wa ote wai na wa are pate epaaka a tare wai. 35 Nyimia kangza Ate ang o nyimia zaa shili wayo ya kaa komana o ying, eeta pisǝ andaa ying kaa lenyong le yende ne."