Mateus 21

Yeso ka ye uti o ulǝ angmǝ

18 Nangka ara a sane a kaya kurǝ ba nyimia apeng, na ekomo moke kai. 19 Nangka ka laka uti o uli ba ting orona, naka ale ba uti me naka ta cǝ eyapa o uti me ne soona marane belle. Naka beka uti me na, "Otoo ya ayana kangza ne!" Na ongmere liizi na uti me wa waka.

20 Nangka atoma kai ne laka nyimi, na epame e tere ne ukpwei nane bore be pirǝ na, "Eyaka uti uli na wa waka ba saseya?"

21 Na Yeso ka kabare naka beka ne naa, "Eyang dongdong bele oying maganggang maame, eeya ka o eke lenyong ba Ashili, zora madoola ma yende, epaaka e mana uti uli ona, eya eto eza belle ne, eyo ama o beka ba oyara ona, era, ka o taru ba nyimi opong ogong, a wayo itǝ nyimi. 22 Eeya ka o eke lenyong ba Ashili, pate epaaka e bosa ba Ashili eyo cǝ e."