Mateus 26

Yeso ka beye angmǝ kaa Ashili aa Gasamani

36 Malo o nyimia, Yeso kaa atoma kai ne alea ara kaa beya ai na Gasamani. Ara aaka a pilizi ayana o zaitun ne. Naka bekaa atoma kai, "Cikǝ na arakaana, eyang alea sanini kang beye angmǝ kaa Ashili." 37 Na ka ale ka Biturusu, a ayana Zebadi aleere, Yakubu kaa Yohana, naka bore o caro anyong kaa o kona o burǝ maleu. 38 Aaka kang bekaa nee na, "O caro a nyong ka waya lenyong leng wa era aa wa wongngeng. Cikǝna arakaana ee eza le’enda ka mi."

39 Nangka ka lya izi a baate, na ka taru ka mayinu a deze, aa ka beye angmǝ kaa Ashili na, "Ate ang, nyimi waayo ya, saareng kaso ka ozitǝ kaana. Pate ka nyimi sang, epa eeka eyang yeme me eya ato yeme ne, soona epa eeka bo oya yeme me."

40 Ka o kurǝ ara atoma akai, naka mana ne aa aneya malau, na ka bekaa Biturusu na, "E era eta ama le’enda kaa mi, na awere yende ne na? 41 Cikǝ na aa le’enda, ee kang beya na angmǝ kaa Ashili adorana tana e rǝzi aa nyimi okedeya ne. Dongdong lenyong lee kabare, aa lepung kangza leya nyana."

42 Naka kuri o leere, na ka beye angmǝ kaa Ashili aaka bekaana, "Ate ang, ozitǝ ona waata kala ne seeka ma se wai, a baya aa eze apa eeka bo oya yeme me."

43 Nangka ka kang kurǝ, aa ka kang mana ne a malau, azaa obena ayizi ane a pena ka malau. 44 Naka sukǝ o baya one, na ka kuri aa beya angmǝ kaa Ashili o taaro, na ka tikǝri angmǝ aaka ka be samba.

45 Na ka kuri ara atoma kai, aaka bekaa nee na, "Etata a malau nanna, eeya teseke na?" Laka na, awere aya, ka ayo nya Kena ka Oromo a taara te ana madinǝ. 46 Erana ka ale. Laka na, ondo nya ong awaana, wa dukǝ."