Lucas 1

Mukunga wa Zakadiya

67 Zakadiya, tata wa mwana meni yandu, kakala wabasa yi Kitembu Kyatoma; wáyandika kubikula bwabu:

68 «Lukumu kwena Pfumu, Nzambi wa kikanda kya Kiseledi,

mukuma yandi kisa, ndangu kayakidila kikanda kyandi amana kahululakya phi.

69 Kahangi wisi lubula Muhuludi wa ngolu kikuma kya betu,

mu kati kya kikanda kya kyamvu Tavidi, musadi wandi.

70 Mamana katekila zonza kwena bambikudi bandi ba Nzambi:

71 luhulusu lumosi lwisi tukatula kwena bambeni betu

yi mu luyalu lwa batu bana bisi tumenga.

72 Wásongila kyadi kyandi kwena bakhaka betu

amana kázimbakanaku kuyukana kwandi kwatoma.

73 Ihana ni Nzambi wázenga ndefi kwena Bulahami, tata wetu,

74 ni wátuhulula mu luyalu lwa bambeni,

ndangu twamusadila konda bweya,

75 ndangu twalenga kala batu ba Nzambi yi batu ba masonga ku thwala yandi

mu bilumbu byosu bya luzingu lwetu.

76 Amana kwena ngeyi mwana wama, bakutediki ni mbikudi wa Nzambi wa Phungu wuluti,

mukuma wahíta ku thwala Pfumu mu kwenda muyidikila nzila

77 yi kusamuna kwena kikanda kyandi ni wisi bahulula

mu kubalolula masumu ma bawu.

78 Nzambi wa betu, wabasa yi lungongu yi kyadi:

katúkenzula mu mwini wandi wuna wisi tuka ku zilu bwosu kisi lubuka tangwa,

79 Kikuma kya kukenzula baba benina mu phipa yi mu kivula kya lufwa,

mu kutwadisa bitambi byetu mu nzila ya ngemba.»