MATHAYI 1

20 Bwosu kákalabwa banza, hanga wanzyo wa Pfumu wumulubwakidi mu ndosi amana wuzimbudi: «Yozefu, mwana wa Tavidi, kalaku yi bweya bwa kutambula, Madiya, hanga mukhetu waku, mukuma kifundu kya mwana wuna kayimiti, kwena Kitembu Kyatoma kitukini. 21 Amana kabúta mwana mosi wa yakala, amana wamutediki mu khumbu ya Yesu*1:21 Disongidila dya khumbu ya Yesu «Nzambi kisi hulula». , mukuma yandi wahúlula kikanda kyandi ku masumu mandi.»

22 Moosu mana máhangama ndangu malungila mana kázimbula Pfumu mu nzila ya mbikudi:

23 «Ndumba wakonda kedi zaya yakala, kayímita vumu amana kabúta mwana mosi wa yakala,

amana bamútediki mu khumbu ya Manwedi.»

Disongidila: «Nzambi kenina ha kimosi yi betu.»

24 Mu kutokama kwandi, Yozefu wáhanga buna kámulongikila wanzyo wa Pfumu, amana wátambula mukhetu wandi. 25 Kaasi kámuzayaku lutu tii yi kuna kabutila mwana mosi wa yakala, wuna káheka yandi khumbu ya Yesu.