Eclesiastes 3

Feen birin nun a waxatin na a ra

1 Feen birin nun a waxati saxin na a ra,

waxatin feen birin ma dunuɲa yi.

2 Muxun bari waxatin na,

a faxa waxatin na.

Soli seen si waxatin na,

a tala waxatin fan na.

3 Faxa ti waxatin na,

dandan waxatin fan na.

Banxin kala waxatin na,

a ti waxatin fan na.

4 Wuga waxatin na,

gele waxatin fan na.

Sunu waxatin na,

bodon waxatin fan na.

5 Gɛmɛne woli waxatin na,

e matongo waxatin na.

Sunbun waxatin na,

sunbutareyaan waxatin fan na.

6 Seen fen waxatin na,

a tunun waxatin na.

Seen namara waxatin na,

a rabeɲin waxatin fan na.

7 Seni bɔ waxatin na,

a madɛgɛ waxatin na.

Dundu waxatin na,

fala ti waxatin fan na.

8 Marafanna waxatin na,

maraɲaxun waxatin fan na.

Yɛngɛ waxatin na,

bɔɲɛ xunbeli waxatin fan na.