Hebreus 8

6 Koni iki, Yesu bata wanla sɔtɔ naxan fisa saraxaraliin bonne wanla xa bayo a bata fa layirin na naxan fan Layiri Fonna xa, bayo na en tuli sa feen naxanye ra, ne fan a fonna xa.

7 Xa fɛ yo mi yi layiri singen na nun,*8.7 Layiri singena fe mato Xɔrɔyaan 24.3-8 kui. en mako mi yi fa a firinden ma nun. 8 Koni Ala yi fɛɛn to a muxune ra, a yi a fala, a naxa,

"Marigin naxa, ‘Na waxatin fama,

n layiri nɛnɛn xidima

nxu nun Isirayila nun Yuda yamane tagi waxatin naxan yi.

9 A mi ligama

alo n layirin naxan xidi nxu nun e benbane tagi,

n to e yii rasuxu

n yi e ramini Misiran yamanani.

Amasɔtɔ e mi n ma layirin suxu,

n fan yi e rabeɲin.’

Marigin naxa na kiini.

10 Layirin ni i ra,

n naxan xidima nxu nun Isirayila yamaan tagi.

Marigin naxa iki:

Na waxatin na dangu,

n na n ma sariyane sama nɛn e xaxinli,

n yi e sɛbɛ e bɔɲɛni.

N findima nɛn e Ala ra,

e yi findi n ma yamaan na.

11 Muxu yo mi fa a boden maxaranma,

muxu yo mi a falɛ a ngaxakedenna xa,

a naxa, ‘I xa Marigin kolon,’

bayo e birin n kolonma nɛn,

keli muxudin ma han muxu gbeena.

12 N diɲama nɛn e tinxintareyaan ma,

n yi e yulubine xafari."*8.8-12 Yeremi 31.31-34

13 Ala to na layirin xili sa a nɛnɛna, na bunna nɛɛn a nɛnɛn bata lu a fonna ɲɔxɔni. Seen naxan bata fori, na tununma nɛn.