Matiyu Sora 14

Yesu yi sigan ti igen fari

22 Na xanbi ra, Yesu yi a xarandiine rasiga kunkin kui a yɛɛ ra daraan kidi ma. A tan yi lu xanbin na, a yi yamaan naxɛtɛ. 23 A to yelin yamaan nasigɛ, a kedenna yi te geyaan fari Ala maxandideni. A yi lu na han kɔɛ yi so.

24 Kunkin bata yi siga daraan xun ma pon! Igen mɔrɔnne*14.24 Igen mɔrɔnne: alo foyen na so igeni. yi lu kunkini maxɛ amasɔtɔ foye gbeen bata yi a xun sa e ma. 25 Yesu yi fa sigan tiyɛ igen fari, a yi sa e li subaxa makedini. 26 A xarandiine to a to sigan tiyɛ igen fari, e gaxu kati! E gbelegbele, e naxa, "Muxun yɛlɛnna nan ito ra!" 27 Yesu yi falan ti e xa mafurɛn, a naxa, "Ɛ wɛkilɛ, n tan nan a ra. Ɛ nama gaxu!" 28 Piyɛri yi falan ti, a naxa, "Marigina, xa i tan nan a ra yati, n yamari a n xa siga i fɛma igen fari." 29 Yesu yi a yabi, a naxa, "Fa be!" Nayi, Piyɛri yi keli kunkin kui, a sigan ti fɔlɔ igen fari siga Yesu fɛma. 30 Koni a toxina a foyen gbo, a yi gaxu, a godo fɔlɔ igen bun ma. A gbelegbele, a naxa, "Marigina, n nakisi." 31 Yesu yi a yiin nasiga mafurɛn! A yi a rate, a naxa, "I ya dɛnkɛlɛyaan xurun. I sikɛxi nanfera?" 32 E firinna birin yi dɔxɔ kunkin kui, foyen yi a raxara. 33 Xarandiin naxanye yi kunkin kui, ne yi e xinbi sin Yesu bun ma, e naxa, "Ɲɔndin nan a ra yati, Alaa Dii Xɛmɛn nan i tan na!"