Mateus 15

Ɲaxanla dɛnkɛlɛyana fe

21 Yesu yi keli na, a siga Tire taan nun Sidɔn taan yamanani. 22 Kanan kaa ɲaxanla nde yi na yi, na yi fa Yesu fɛma. A gbelegbelema, a naxa, "N fafe, Dawudaa Dii Xɛmɛna, kininkinin n ma! Ɲinanna n ma dii tɛmɛn fɔxɔ ra, a tɔrɔxi han!" 23 Koni Yesu mi fala yo ti a xa. Yesu a xarandiina ndee yi fa a fɛma, e yi a mafan, e naxa, "Ɲaxanli ito rasiga! A biraxi en fɔxɔ ra, a gbelegbelema." 24 Awa, Yesu yi e yabi, a naxa, "N mi faxi muxu gbɛtɛ ma fɔ Isirayila kaa tununxine alo yɛxɛɛne." 25 Awa, na ɲaxanla yi fa, a yi a xinbi sin Yesu bun ma, a yi a fala, a naxa, "N fafe, n mali." 26 Yesu yi sandan sa a xa, a naxa, "A mi lan i xa diidine donseen sa barene bun ma."*15.26 Yesu ɲaxanli ito a dɛnkɛlɛyaan nan fɛsɛfɛsɛma sandani ito xɔn. Sandan kui, siya gbɛtɛne findixi barene ra, diidine fan yi lu alo Isirayila kaane. 27 Ɲaxanla yi a yabi, a naxa, "N fafe, ɲɔndin nan na ra. Koni hali barene donse yolonxine donma nɛn e kanna naxanye rayolonma bɔxɔni." 28 Nayi, Yesu yi a yabi, a naxa, "Nga ɲaxanla, i ya dɛnkɛlɛyaan gbo! I rafan feen bata liga i xa." Na waxatin yɛtɛni, a dii tɛmɛn yi kɛndɛya.