Mateus 9

Yesu yi danxutɔ firin nakɛndɛya

27 Yesu keli mɛnni waxatin naxan yi, danxutɔ firin yi bira a fɔxɔ ra. E gbelegbele a fɔxɔ ra, e naxa, "Dawudaa Dii Xɛmɛna,*9.27 Dawudaa Dii Xɛmɛna: E na falaxi nɛn bayo Yesu findixi Dawuda bɔnsɔnna muxuna nde nan na. kininkinin nxu ma!" 28 Yesu so banxini waxatin naxan yi, danxutɔ firin yi so a fɛma banxin kui. A yi e maxɔdin, a naxa, "Ɛ laxi a ra yati fa fala a n nɔɛ ito ligɛ nɛn ba?" E yi a yabi, e naxa, "Ɔn, nxu fafe." 29 Yesu yi a yiin din e yɛɛne ra. A yi a fala, a naxa, "A xa liga ɛ xa alo ɛ dɛnkɛlɛyaxi a ma kii naxan yi." 30 E yɛɛne yi raba ayi. Yesu yi falan ti e xa a sɔbɛɛn na, a naxa, "Muxu yo nama feni ito kolon!" 31 Koni e yi siga, e sa Yesu a fe xibarun nali na yamanan yiren birin yi.