9 Yesu yi keli, a siga. A yi mudu maxinla nde to, a yi xili Matiyu, a yi dɔxi mudu maxilideni. Yesu yi a fala a xa, a naxa, "Bira n fɔxɔ ra." Matiyu yi keli, a bira a fɔxɔ ra.
10 Yesu yi a dɛgema Matiyu a banxini waxatin naxan yi, mudu maxili wuyaxi nun hakɛ kan wuyaxi yi fa, e dɔxɔ Yesu nun a xarandiine fɛma e dɛgedeni. 11 Farisi muxuna ndee na to waxatin naxan yi, e yi a fala a xarandiine xa, e naxa, "Ɛ karamɔxɔn nun mudu maxinle nun hakɛ kanne e dɛgema e bode xɔn ma nanfera?" 12 Yesu yi e xuiin mɛ, a yi e yabi, a naxa, "Muxun naxan kɛndɛ, na mako mi seribaan ma fɔ furetɔne. 13 Ɛ siga, ɛ sa Kitabuna falani ito bunna fɛsɛfɛsɛ, a naxa, ‘Hinanna rafan n ma dangu saraxan na.’9.13 Hose 6.6 Amasɔtɔ n mi faxi tinxin muxune xan xilideyi fɔ hakɛ kanne."
Maxɔdinna sun suxu feen ma
Maraka 2.18-22, Luka 5.33-39