Boosu nun a mamandenne
13 Awa, Boosu yi Ruti tongo, a findi a ɲaxanla ra. Alatala yi Ruti baraka, a yi fudikan, a yi dii xɛmɛn sɔtɔ. 14 Nayi, ɲaxanle yi a fala Nowɛmi xa, e naxa, "En xa Alatala tantun amasɔtɔ a bata mamandenna fi i ma to naxan a yengi dɔxɔma i xɔn ma. Ala xa diidini ito findi xili kan gbeen na Isirayila yamanani. 15 I rafan i mamuxun ma. Ruti mɔn bata fe faɲin liga i xa hali dangu dii xɛmɛ solofere ra. Iki, Ruti bata mamandenna nde so i yii naxan i nii yifanma i ma, a yi i mali i ya foriyani." 16 Awa, Nowɛmi yi diin tongo, a yi a maso a ra, a yi a yengi dɔxɔ a xɔn ma.
17 E dɔxɔ bode ɲaxanle yi Ruti a dii xɛmɛn xili sa Obedi. E yi a fala muxun birin xa, e naxa, "Nowɛmi bata mamandenna sɔtɔ, dii xɛmɛn na a ra." Awa, Obedi yi Yese sɔtɔ. Yese fan yi Manga Dawuda sɔtɔ.
18 E bɔnsɔnna muxune xinle ni itoe ra, keli Peresi ma han sa dɔxɔ Manga Dawuda ra.
Peresi nan Xesirɔn sɔtɔ.
19 Xesirɔn yi Rami sɔtɔ.
Rami yi Aminadabo sɔtɔ.
20 Aminadabo yi Naxason sɔtɔ.
Naxason yi Salimon sɔtɔ.
21 Salimon yi Boosu sɔtɔ.
Boosu yi Obedi sɔtɔ.
22 Obedi yi Yese sɔtɔ.
Yese yi Dawuda sɔtɔ.