1 Coríntios 7

3 En ni pumo’on e nge pi’ ir ngak e bpin rok nrogon figirngiy, ma en ni bpin e nge pi’ ir ngak e pumo’on rok nrogon leengiy, nge bagayow me fal’eg laniyan’ bagayow nrogon nike t’uf rok bagayow. 4 Ya leengiy e gathi ir e suwon downgin, ya fa’anem ni figirngin e ir e suwon; ma ku errogon e en ni figirngiy ni gathi ir e suwon downgin, ya fa’anem ni leengin e ir e suwon. 5 Ra ba wu’ e mabgol ma dabi tel bagayow ir rok bagayow, kemus ni fa’anra ke ta’reban’row ngay ni ngar talgow u rogon n’umngin nap’an ni yow ba’adag, ni fan e nge yag nra tiyan’gow ko meybil; me mu’ miyow sul ngkur rin’ew e n’en nma rin’ e mabgol, ya ri fek Satan ban’en i yib ngak bagayow, ni ban’en nrayag ni nge pingeg fa’anem nge denen, ni bochan e dakiyag rok fa’anem ni nge k’adan’.