22 Me ere chiney e kam machalbog niged gimed ni fan e kam folgad ko tin nib riyul’, ma gimed be par nrib t’uf romed e pi’in ni gimed nike mich Kristus u wun’rad ni bod gimed, mra bigimed ma ngari t’uf rok bigimed u polo’ i laniyan’.*1:22 u polo’ i laniyan’; boch e babyor e bay riy ni u gumircha’en nib machalbog. 23 Ya thin rok Got ni bay e yafos riy ma dabi m’ay bi’id e ke pingegmed kan gargelegmed bayay kam manged pifak reb e matam ni dabi yim’ bi’id; 24 ni bod rogon ni be yog e babyor nib thothup ni be ga’ar:

"Girdi’ ni gubin e yad bod e pan,

ma urngin fel’ngirad e bod rogon e floras ko pan.

Bay yim’ e pan, me mul e floras riy,

25 machane thin rok Somol e bay i par ni dabi m’ay bi’id."

Re thin nem e fare Thin Ni Bfel’ ni kan machibnag ngomed.