15 Ma gapas nma pi’ Kristus nga lanin’dad e nge mang ir e ngi i gagiyegnag lanin’med; ya re gapas ney e ir e ke piningmed Got ngay ko fare dowef nri ta’reb. Ere um pininged e magaer ngak Got u lanin’med. 16 Thin ni ir e bth’ab feni fel’, ni weliy Kristus e thangri i par ni polo’ u lanin’med. Um filed ngomed ma gimed be fonow nagmed ngay u fithik’ e gonop. Umon’ed e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Got ni gimed be pining e magaer ngak Got u wun’med. 17 Ere urngin ban’en ni ngu’um rin’ed ara gimed be yog ma ngam rin’ed u daken fithingan Somol Jesus, ma gimed be pining e magaer u daken ngak Got ni Chitamangiy.