Toffan ni nge tay girdi’en Got
7 Ni bod rogon nike yog fare Kan Nthothup nike ga’ar:
"Fa’anra mu rung’aged laman Got e daba’,
8 ma dab mu gel niged lanin’med ni bod rogon pi chitamangimed ni kakrom ko fa ngiyal’nem nra togopluwgad ngak Got,
ni bod rogon e n’en ni rrin’ed fa rofen nem u daken e ted ni fa’an nra sikeng niged Got.
12 Pi walageg ni girdi’en Kristus: mu ayuwgad nge par ndariy be’ u fithik’med nib kireb e leam rok ma der michan’, ya ri pi’ keru’ ngak Got ni be par nib fos. 13 Machane rogon ni ngam pired ndariy bigimed ni ngeb e denen i bannag nge gelan’ e thingari bigimed me ayuweg bigimed ni gubin e rran, ni n’umngin nap’an ni fare rran ni "Daba’ " ni be yog e babyor nib thothup murung’agen e be yip’ fadad.
15 Ba’aray e tin ni be yog e babyor nib thothup ni be ga’ar:
"Fa’anra mu rung’aged laman Got e daba’,
ma dab mu gel niged lanin’med ni bod rogon pi chitamangimed ni kakrom
ko fa ngiyal’nem nra togopluwgad ngak Got."
Domínio Público. Esta tradução bíblica de domínio público é trazida a você por cortesia de eBible.org.