18 Be’ nma gagiyegnag e girdi’ nu Israel e fith ngak Jesus ni ga’ar, "Tamchib ni bfel’, mang e thingar gu rin’ me yag e yafos ndariy n’umngin nap’an ngog?"
22 Ma fa’ani rung’ag Jesus ni aram rogon me ga’ar ngak, "Ka bay ta’a ban’en ni ngam rin’. Mpi’ ni chuway’ urngin ban’en ni bay rom ma ga fek e salpiy riy ngam pi’ ngak e pi’in yad ba gafgow, ma aram e ke yag e fla’ab ngom u tharmiy; ma ga yib ngam un ngog." 23 Ma fa’ani rung’ag fare mo’on e re bugithin nem me ri kireban’, ya rib pire’ ban’en rok.
24 Me guy Jesus nike kireban’ me ga’ar, "Rib mo’maw’ rok e pi’in nib pire’ ban’en rorad ni ngar uned ko gagiyeg rok Got. 25 Kab mo’maw’ rok be’ nib pire’ ban’en rok ni nge un ko gagiyeg rok Got ko bin ni nge yan ba kamel u mugufan ba rosom."
26 Ma pi’in nrung’aged e n’en ni yog e ra fithed ni lungurad, "Ere mini’ e rayag ni nge thap ngak Got?"
27 Me fulweg Jesus ni ga’ar, "N’en ndabiyag rok e girdi’ e rayag rok Got."
Domínio Público. Esta tradução bíblica de domínio público é trazida a você por cortesia de eBible.org.