Mateus 13

13 Ba’aray fan ni gu be non ngorad u fithik’ e fanathin: bochan e yad be changar ma darir guyed ban’en, ma yad be motoyil ma darir rung’aged ara ra nanged fan. 14 Ya nge riyul’ e tin ni yog Isaiah ni profet ko ngongol ni yad be rin’ ni ga’ar:

‘Bay mmotoyil mmotoyilgad, machane dab mu nanged fan;

bay mu changar mu changargad, machane dab mu guyed ban’en.

15 Ya lolugen e pi girdi’ ney e bm’urm’ur;

ya kar ninged telrad,

ma kar moleged owcherad.

Ya fa’an mang e n’en ma ke guy lan owcherad ban’en,

ma ke yag ni rung’ag telrad ban’en,

ma sana ke yag ni nang lanin’rad fan ban’en

ma sana ke yag nra pigichealgad ngog,

ngug gol nagrad.’ Aray rogon e thin ni yog Got.