MATTHEW 24

Tapigpig nib yul’yul’ ara de yul’yul’

45 "Ere mini’ e en ni ir fare tapigpig nib yul’yul’ ma ba gonop? I ir e en ni masta rok e ke tay ni nge milfan e tin kabay e tapigpig ngak, ni nge pi’ garad ko ngiyal’ ni yima pi’ riy. 46 Rib ga’ ba felfelan’ nra tay e re tapigpig nem ni fa’anra sul e masta rok nga tabinaw me pir’eg ni ireray e n’en ni be rin’! 47 Nggog ngomed nrib muduwgil nra tay fare masta fare tapigpig ni ir e nge milfan urngin ban’en rok ngak. 48 Ma fa’anra ir reb e tapigpig nib kireb, mra ga’ar u wan’, ‘Masta rog e kab n’uw nap’an mfini sul,’ 49 ma aram me tabab i pirdi’iy e pi tapigpig ni yad, ma be un ngak e pi’in yad ba tamu’un rrum ko abich nge mu’un rrum. 50 Ma aram e bayi reb e rran me sul fare masta rok fare tapigpig nder finey nra sul riy nggu bangiyal’ nde nang. 51 Fare masta e bayi theth’ab fa’anem nnochiyang*24:51 theth’ab fa’anem nnochiyang; ara yin’ fa’ anem nga waen. min uneg ko n’en ni ngan rin’ ngak fa picha’ ni yad ma dake moding niged yad. Ni aram e gin bay i yor riy ma be chachafin nguwelen.