Ruth 4:7,14,17,22

7 Irera’ e yalen kakrom rok yu Israel nib l’ag rogon ko binaw ni kan chuw’iy ara kan thiliyeg: Cha’ ni nge pi’ e binaw ni chuway’ e nge fek baraba’ e sus rok nge pi’ ngak e cha’ ni ir e nge chuw’iy. Irera’ rogon nma dag piyu Israel nike duwigil bbugithin.✝4:7 Deu 25:9

14 Me ga’ar e pi’in ppin ngak Naomi, "Ke magaer SOMOL! Ya ke pi’ ba pumo’on ngom ni fak be’ ni fakam ni ir e nge changar ngom. Mang e yigi gilbuguwan e re pagel nem u Israel! 17 Ma pi’in ppin nib chugur taferad ngaram e ra tunguyed fithingan fachi pagel ni Obed; i lungurad, "Kan gargeleg bochi pagel ngak Naomi!" Chi pagel nem e ir e chitamngin Jesse, ni chitamngin David. 18-22 Irera’ rogon e tha’ ko tabinaw ni yib rok Perez nge mada’ ngak David: I tabab rok Perez, me yib Hezron, me yib Ram, me yib Amminadab, me yib Nahshon, me yib Salmon, me yib Boaz, me yib Obed, me yib Jesse, nge mada’ ngak David.