Lucas 1

Malia ya yeng

46 ✝ 1:46 1Sml 2:1-10 Me Malia henang nena,

"Ya kapôlông hêv Anômbêng ya athêng ling,

47 me ya dôhôlông la mavî hêndêng Wapômbêng yînîng Malatine,

48 vômbê nena yêni hêyê ya avî oyang atu be ya havong ya ku be la hiving ya.

Avîlanô lêk be eveng yam sapêng tem enang nena ya hauwa mek mavî

49 vômbê nena Wapômbêng Lêklokwang Anông hevong nômbêng ethak ya

be ya athêng thak hêk matheng.

50 ✝ 1:50 Sng 103:13,17 Yêni thak hêv kapô hêndêng ŋa takatu be elaŋô ya ambô hêndêng sêmbôk lêk ŋa diti me ŋa tem embeng yam imbing.

51 ✝ 1:51 2Sml 22:28 Me hevong ku bêŋbêng hethak yêni da ya lêklokwang.

Me avîlanô takatu be êv loho da ning athêng lêk auk kambom ling me thak hêv loho vê ê mayaliv.

52 ✝ 1:52 Jop 12:19; 5:11; Sng 147:6 Me thak hêv king ining lêklokwang vê.

Me hêv athêng bêng hêndêng ŋa takatu be thak etaving i.

53 ✝ 1:53 Sng 34:10 Me thak hevakông avîlanô takatu be ema vo leŋing hethak nôm mavî bêng anông be leŋiŋviŋyak.

Metom ŋa lêk nômkama bêng me thak hêv loho vê be ê oyang.

54 ✝ 1:54 Sng 98:3; Stt 17:7; Mai 7:20 Me yêni thak hêv ya avîlanô ku Islael livung

me la hêv ya tava be hêv kapô hêndêng loho wak nômbêng iti sapêng

55 hîtôm ambô atu be bôk hevak hiving aô ning bumalô loho

lêk Ablaham lêk limi sapêng."