Lucas 19

Yisu hê Sakius ya melak

1 Yisu hêyô Jeliko me hê yom. 2 Me anô te ya athêng nena Sakius hîmô long êng. Yêni me ŋa hiwa takis ining avaka lêk anô valuseleng bêng. 3 Yêni la hiving ninjê nena Yisu me opalête, metom avîlanô bêng anông be Sakius me anô bidong be mî hîtôm ninjê Yisu amî. 4 Êng me hevothong himung be hê me hethak alokwang pik te be hîmô vo ninjê Yisu vômbê nena te nende long êng bini.

5 Yisu hêyô long êng me hêyê aling me henang nena, "Sakius, nôndôk be nôlêm ketheng vômbê nena yaô tiêng me tem ya mô yong melak." 6 Êng me ketheng oyang me Sakius hîlôk be hêlêm me hiwa Yisu thô lêk la mavî.

7 ✝ 19:7 Luk 15:2 Me avîlanô sapêng êyê be enang ambô ŋôlôŋôlông nena, "Yêni hê hîmô hiving anô kombom kambom te."

8 ✝ 19:8 Etak Ijip 22:1; Nam 5:6-7 Yôv me Sakius hiviyô heva melak kapô me henang ethak Anômbêng nena, "Anômbêng, nondaŋô. Tem yambî yînîng nômkama tham ini ondong yi be yaŋgêv yang êndêng ŋa siv. Me bôk ya havatek anô te be ya hauwa ya valuseleng doho vanî, êng me tem yaŋgêv ôpêng ya valuseleng endeni me ya tak bôlôva*19:8 Bôlôva ya ondong nena tem Sakius êŋgêv valuseleng takatu be bôk hiwa hêk opalête endeni me tem netak doho êyômô long imbing. êyômô long imbing be yaŋgêv êndêng yêni."

9 ✝ 19:9 Luk 13:16; Ap 16:31 Me Yisu henang nena, "Lêk ôpiti hêv iving Wapômbêng hîtôm Ablaham, be ditu yêni me Ablaham nakandung te hiving. Bêng be lêk Wapômbêng hiwa avîlanô melak itiêng vê hêk kambom ya vuli. 10 ✝19:10 Luk 15:4; Jon 3:17; 1Ti 1:15Vômbê nena Anô Ya Nakandung atu hêlêm vo nethalo ŋa takatu be êv yak me nimbua loho vê injêk kambom ya vuli."