Luk 7

Yisu hik anô hema te ling

11 Vauyaŋna me Yisu hê melak lông te be ya athêng nena Nain. Me ya ŋa hîndông lêk avîlanô bêng anông ê hiving yêni. 12 Loho ê bidong melak êng ya bandêng ambôlêk me avîlanô melak lông êng iwa anô hema te be ele yêing. Ôpêng me avî tôp te nakandung tomêng yom. Me avîlanô melak lông êng bêng anông ê hiving avî tôp êng. 13 Anômbêng hêyê yêni me lahiki be henang ethak inda nena, "Dô nondeng andô."

14 Me Yisu hê me hetak bang hêyô hêk balê me ŋa takatu be evak ôpêng eva tiŋeng. Me henang nena, "Anô muk, ya hanang ethak ong nena numbiyô!" 15 ✝7:15 1King 17:23; 2King 4:36Me anô hema êng hiviyô hîmô me henang ambô me Yisu hêv ôpêng hêndêng talêmbô.

16 ✝ 7:16 Luk 1:68 Me avîlanô sapêng êyê be êkô me êv Wapômbêng ya athêng ling be enang nena, "Plopet bêng te lêk hivutak aô lîvông" me "Wapômbêng lêk hêlêm vo nêŋgêv ya avîlanô livung." 17 Êng me kôkôthing ethak Yisu ya ku hê be heveng avîlanô Judia ning long sapêng lêk long bôyang takatu be hîmô bidong hiving.