Marcos 4

37 Êng me lovak bêng te hêyô, be hiyuv ŋanam be ŋanam hivutak hîlôk yeng kapô, be hevong vo nembak yeng thethong. 38 Yisu hêyô hêk kwalim te hêk yeng landang be hêkthôm. Êng me ya ŋa hîndông êyô ik yêni ling be enang nena, "Kîdôŋga, mî lem iŋgik ong nena ŋanam tem nendok aô vônô amî mesa?"

39 Êng me Yisu hiviyô me hethang ŋanam budum lêk lovak be henang nena, "Notaving be nôŋgwêk yaô!" Êng me lovak hema me ŋanam hêk tiŋeng.

40 Me Yisu henang ethak ya ŋa hîndông nena, "Môlô kô vo? Mî môlô êv iving amî denang e?"

41 Me ŋa êng elowaling kambom be enang ik loho da ling nena, "Ôpiti me anô alête be ditu ŋanam lêk lovak elaŋô ya ambô be esopa."