Yisu hevong anô liŋdong lêk ambôlêk putup te mavî
31 Me Yisu hetak Taia ning long me hesopa Saidon hivup hîlôk be hê hêyô Dekapolis ining long, yôvêm me hîvô hê kasîk bomang nang Galili. 32 Êng me doho iwa anô liŋdong lêk ambôlêk putup te be êlêm êyô vo Yisu be epetenak yêni lêk kapôlôŋing malêing vo netak bang êyônjêk ôpêng.
33 Êng me Yisu hiwa ôpêng be hê dêim doke vo avîlanô me hethong baŋduk hîlôk ôpêng liŋdong kapô. Yôvêm me hîsuvapôk ethak bang me hêthôm ôpêng diŋang. 34 Me hêyê leng be hêvôv auk me henang ethak ôpêng hethak ambô Hiblu nena, "Epata!" (Ya ondong nena nupuak.) 35 Êng me ôpêng liŋdong hikê me ambôlêk heyakê be henang ambô hêlêm yêing.
36 7:36 Mak 1:43-45 Me Yisu henang nena, "Dô môlô nang bêng ethak avîlanô andô." Henang bêng lômbôlông metom avîlanô mî bonong amî me enang bêng hê be hê. 37 7:37 Ais 35:5Me avîlanô esong kambom be enang nena, "Yêni hevong nômkama sapêng mavî anông. Hevong ŋa liŋdong putup elaŋô ambô me ŋa ambôlêk putup enang ambô hêlêm yêing."
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)