Marcos 8

Yisu hevong anô mandaluk pusip te mavî hîlôk Betsaida

22 Me loho ê êyô Betsaida me avîlanô doho iwa anô mandaluk pusip te hêyô me epetenak yêni lêklokwang vo nêthôm ôpêng. 23 Me Yisu hevalong anô mandaluk pusip atu hîmô bang me hendandi be thêi tak melak lông êng me ê dêim doke. Me Yisu hîsuvapôk hethak ôpêng mandaluk luvi be hetak bang hêyô hêk ôpêng. Me henang nena, "Hôyê nômate mesa mî?"

24 Me ôpêng hêv mandaluk ling me henang nena, "Ya hayê avîlanô doho, metom loho hîtôm alokwang hê be hêlêm."

25 Êng me Yisu hetak bang hêyô hêk ôpêng mandaluk hethak loŋbô. Me ôpêng mandaluk hipuak be hivutak mavî me hêyê nômkama sapêng hêlêm yêing. 26 Me Yisu henang nena, "Nu yong melak metom dô nu melak lông andô."