Matyu 15

3 Êng me Yisu henang nena, "Bisête be môlô vuling Wapômbêng ya ambô balambung be osopa môlô da ning ambô manjeng? 4 ✝15:4 Etak Ijip 20:12; 21:17; Wkp 20:9; Lo 5:16Hîtôm Wapômbêng bôk henang nena, ‘Nondovak lemambô lo lemtambô’ me ‘Ôpatu be hethang lambô lo talêmbô hethak ambô athek, êng me iŋgik ôpêng vônô.’ 5 Metom thak môlôndông avîlanô nena anô te henang ethak lambô mena talêmbô ma nena, ‘Yînîng nômkama takatu be hîmô vo yaŋgêv mamu livung ethak, êng me bôk ya hanang yôv nena tem yaŋgêv êndêng Wapômbêng îtôm da,’ 6 êng me môlô va long thing vo dô ôpêng êŋgêv lambô mena talêmbô ma livung andô. Be ditu hik thô nena môlôvong Wapômbêng ya ambô hivutak hîtôm nôm oyang me osopa limbumi da ning bôk le long yom. 7 Môlô ŋa ovatek avîlanô! Thak môlôvong bêng be avîlanô esong nena môlô ŋa mavî. Metom plopet Aisaia ya ambô sêmbôk be henang ethak môlô me avanông nena,

8 "‘Avîlanô takiti thak êv yînîng athêng ling ethak vieŋing yom,

metom kapôlôŋing me hêk dêimbô vo ya.

9 Loho êv yeng oyang ethak ya

me thak enang loho da ning ambô manjeng yom be evatek nena,

"Diti me Wapômbêng ya ambô."’"