Matyu 16

Ambô dôhô hethak Palisi lêk Sadyusi ning yis

5 Yisu lêk ya ŋa hîndông êyô kasîk bomang viyang vulu. Metom ya ŋa hîndông leŋing êv polom thing be mî iwa amî. 6 ✝16:6 Luk 12:1Êng me henang ethak loho nena, "Oyaŋging am ethak Palisi lo Sadyusi ning yis."

7 Me loho nang ethak i nena, "Betha mî aô auwa polom amî ma be ditu henang ambô ti."

8 Metom heyala loho ning ambô atu be enang, êng me henang nena, "Môlô ning ôêv iving me yaônalêk. Be môlô nang ethak mî uwa polom amî vo? 9 ✝16:9 Mat 14:17-21Môlô thông paling denang mesa? Mî lemim êv polom bahevi atu be avîlanô 5,000 bôk eyang amî e? Me vak tham vithêla ditu bôk uthup nôm wata hîlôk? 10 ✝16:10 Mat 15:34-38Me polom bahevi be lahavôyi atu be avîlanô hîtôm 4,000 eyang, lêk vak tham vithêla ditu bôk uthup nôm wata hîlôk?

11 "Môlô thông yînîng auk denang be osong nena ya hanang ambô hethak polom e? Oyaŋging am ethak Palisi lêk Sadyusi ining yis!" 12 Êng me mîng ya ŋa hîndông eyala ya auk nena henang vo loho eyaŋging i ethak Palisi lêk Sadyusi takatu be îndông avîlanô hethak auk lêkgwak. Me mî henang ethak yis etak hîlôk polom amî.