Mateus 17

Yisu henang vo takis melak matheng

24 ✝ 17:24 Etak Ijip 30:13; 38:26 Yisu lêk ya ŋa hîndông ê êyô Kapenaom me ŋa iwa takis melak matheng*17:24 Takis melak matheng me valuseleng atu be ŋa Juda ning anô yom thak êv bôlôtom yom hêndêng sondakbêng nômbêng iti be hîmô vo wakma melak matheng kambom me tem êŋgêv vuli nômkama vo epesang ethak. êlêm me enang ik Pita ling nena, "Môlô ning kîdôŋga thak hêv takis melak matheng hiving mesa mî?"

25 Me Pita henang nena, "Bôvê. Yêni thak hêv."

Yôv me Pita hivutak êyô melak kapô me Yisu henang ik yêni ling himung nena, "Saimon, lem hêv bisê? King pîk sapêng thak iwa ning takis nang opalê? Loho da ning nali mesa avîlanô vi?"

26 Me henang nena, "Iwa nang avîlanô vi."

Êng me Yisu henang nena, "Avanông. Nali me mî thak êv takis êng hiving amî. 27 Metom ya handô aômbong be loho leŋing ŋaŋa andô. Be ditu nu kasîk bomang me nokaliv yaklôm be alim mung atu be hôvôv, êng me numbua be nombalala ambôlêk me tem nôŋgô valuseleng te heva kapô. Me numbua valuseleng êng be nôŋgêv êndêng loho îtôm ai ning takis melak matheng."