37 ✝Hêndêng waklavông Anô Ya Nakandung tem nendelêm me avîlanô bôlô tiêng tem embong îtôm bôk evong hêndêng Noa ya wakma. 38,39 ✝Ŋanambô mî denang me avîlanô eyang be inum me iwa i hê be hêlêm be îthông paling hele be hêyô wakma Noa hê yeng kapô. Yôv me ŋanambô bêng hêyô be hivuling loho sapêng. Be bêng yom me avîlanô bôlô tiêng tem îthông paling me Anô Ya Nakandung tem nendelêm. 40 Hêndêng wakma êng me anô yi tem îmô kukapô me tem imbua yang me yang îmô. 41 Me avî yi tem epesang nôm îmô me tem imbua yang me yang îmô.