An’kab a Dweelà In’kyɛɛl
1 Atɔŋ, mɛ in’kwen naa bɛ làkäl anà ngyööb ntɔn ndaa iler indiir a Dweelà. 2 Bɛ làkyàyöb naa umpal làkäl bɛ baar mpa abà Ayudà, bàlasyeenà ukɔɔn ayöb, ntsü akà bànzam a itɛk abà nkiin. 3 Kyakin mɛ alàkyään naa: akà mbuur mwɛy tɛy awà kan’kwo mutɛn u mbwo a Dweelà a Nzam naa: « Wɛy Yɛsu ukäl wàŋàküül! » Mbuur mwɛy tɛy kan’kwo mutɛn naa: « Mwol Yɛsu! », isàkɔɔn akal Dweelà In’kyɛɛl.
4 An’kab a kab a ngway mà mbɔɔn, wɛɛ Dweelà nsil wa. 5 Isal byà mbɔɔn, wɛɛ Mwol nsil wa. 6 Nsyääl yà mbɔɔn, wɛɛ Nzam nsil wa afàkyer indiir byanswà amu baar banswà. 7 Amu mbuur mbuur Dweelà afàmɛnà u mbwo a kab ntɔn ubwaŋ a baar banswà.