1 KƆLINTƆ 7

32 Mɛ in’kwen anki naa bɛ làkäl anà nkyɛɛr. Mpfwe mɔ̈ɔ̈ ande wanswà wà unsà indiir a Mwol: nde afàleŋ naa nde Mwol un’sak kun’pà aben. 33 Wɛɛ, baal aŋàbääl an’kyän mà unsà indiir a mɛɛn, nde aleŋà naa nde un’kyay ande un’sak kun’pà aben, 34 anà mpem ande yàŋàkaabà. Ifà imwɛy sye, un’kaar unkɔr asànaa un’sye, an’kyän ande mà unsà indiir a Mwol, ntɔn nde ukäl ŋun’kyɛɛl u ndür anà u dweelà. Wɛɛ un’kaar aŋàbääl an’kyän ande mà mɛɛn, nde afàlɛŋ naa nde un’dim ande un’sak kun’pà aben.

35 Mɛ an’tɛn mɛ abà, ntɔn ubwaŋ abɛ ŋakwo, kà ntɔn mukàlalɛɛ untaam anki, wɛɛ ntɔn bɛ làkyer undiir aŋàbwaŋ, anà bɛ làkäl aŋàbääb a Mwol, u mpem abɛ wanswà.