1 PETƆLÀ 3

Akaar anà adim aba

1 Bɛ akaar sye, làkäl anà unkyeey akà adim abɛ, ntɔn isàkal naa bye anà abaal bumwɛy uboo aba làkwikilà latɛy unsà ndaa a Nzam, waa ba bàsà làkwikilà u mɔ̈ɔ̈ aba ntɔn nkääl aŋàbwaŋ yà akyay aba, 2 unsà nkääl aŋàpɔŋà anà yà làzir abɛ. 3 Wɛy ntwɛn abɛ ikɔ̈ɔ̈n akal nà u nsà mpɛl asànaa: ntswee aŋàtɔŋ, an’yak a wɔl anà ipfɛy a ntal, 4 wɛɛ, wɛy ntwɛn abɛ ikäl yàŋàyee uboo a mpem, ntwɛn ikɔ̈ɔ̈n mbɔ̈ɔ̈n yà dweelà a làbɔ̈ɔ̈n anà làduu, yà ntal a kölàköl u mii a Nzam. 5 Kyakin mbalà yumwɛy, yayi yàkäl mbwäär a akaar in’kyɛɛl abà bàsi làkyän amu Nzam, abà bàkäl anà unkyeey akà adim aba, 6 asànaa Saal kàsi nde làbɔ̈ɔ̈n akà Abàlam anà kun’bel nde naa mwol ande, nde mbuur làbà bɛ baan ande bakaar, mukyer ndaa aŋàbwaŋ anà mukɔɔn akal unsà bɔɔmà.