1 Timóteo 3

Aseey a Ikööŋ

1 Ndaa yi yà ndandaa: kya mbuur usàkal anà ngyal a isal a ikyɛɛŋ a Ikööŋ, nde kan’sɔɔl isal a ntsà. 2 Un’kyɛɛŋ a Ikööŋ akal mbuur akɔ̈ɔ̈n ifà ibe, un’dim a un’kyay mwɛy mpɛl, mbuur mpa awà ngaal, mbuur a duu, ŋambwäär aŋàbwaŋ, ŋun’kaay, mbuur kan’kwo mulɔŋ, 3 mpa awà un’yöör a man anà un’nwään a ngwiy, wɛɛ nde akal mbuur a làbɔ̈ɔ̈n anà ŋun’tüüb, mbuur mpa afàkwen ngim mbɔɔn. 4 Wɛy nde ukäl aŋàkwo muyaal ndwà ande ŋàkwo anà mukyer naa baan ande bàkäl unsà unkyeey anà làzir lanswà. 5 Lalan, kya mbuur uyöb anki muler ndwà ande ŋàkwo, nde ayàkwo aben muler Ikööŋ a Nzam? 6 Nde ukwo anki mukal mbuur akün unsà mbuul a mpem, naa tɛy, nde ayàsɛɛn an’pɛy, waa uyàwal mbar asànaa kàwɛl ileŋ. 7 Wɛy sye naa baar abà u nsà a Ikööŋ bun’tɛɛl imbäl aŋàbwaŋ, ntɔn nde ukɔ̈ɔ̈n abwà u nswɛn anà unsà intaam a ileŋ.