2 KƆLINTƆ 5

17 Abun sye, isàkal naa mbuur wà amu Klistɔ, nde kan’bulà ikyeer akün. Indiir itaan byan’lyaŋ, le, indiir byanswà byan’bulà byàkün. 18 Indiir byanswà ifàfà akà Nzam, nde mbuur kàfuur un’tüüb abi anà nde u mbwo a Klistɔ anà kipɛ isal mufuur un’tüüb. 19 Ntɔn, Nzam kàkäl amu Klistɔ, kàfuur un’tüüb a mɛɛn anà nde ŋakwo, mukɔɔn alab ibii a baar anà musà amu bi ndaa mufuur un’tüüb. 20 Abun, bi ibà akyeey ntɔn Klistɔ. Ye asànaa Nzam nde ŋakwo abeelà u mbwo a bi: Kikɔb a Klistɔ, bi kàmàlabɔɔn, wɛy bɛ làfuur un’tüüb anà Nzam. 21 Mbuur mpa kàkyer man’be, Nzam kun’tälà buur a man’be abi, ntɔn amu nde bi ibulà bàbalàbal kusà a Nzam.