IMƐƐY 14

Un’tö a un’kɔk anà baar aŋàbeen

1 Mɛ kàfàman mwan a un’kɔk kàkyàmbar udu a mɔŋ a Siyɔna, wa anà baar, baar nsaab nkam mwɛy an’kwem an’nà aŋinà, abà bàkäl anà ikɔb ande anà kyà taarànde byàŋàsɔn u ntabwey aba. 2 Mɛ kàwem ndaa yan’fà du yàmusà làso asànaa iwɔɔl a kölàköl byà an’dà, asànaa ipar a kölàköl. Ndaa kàwem mɛ yàkäl asànaa diim a adim ikwɛŋ bàmubɛɛrà isyaŋ aba. 3 Ba bàtɔ̈ɔ̈là diim akün kusà a kir a imwol anà kusà a ikyeer a mɔ̈ɔ̈ byà inà anà andweer. Akà mbuur mwɛy kàkwe anki mulɔŋàkà diim alà, nà baar nsaab nkam mwɛy a an’kwem an’nà aŋinà abà bàbeen u mɛɛn.

4 Ba bà baar mpa bàtay ndür aba unsà akaar, ntɔn ba bà ankɔr. Ba bàfàlab mwan a un’kɔk ntsü yanswà ufàkyà nde. Ba babeen uboo a baar asànaa mbɛŋ atàtwɛb ntɔn Nzam anà ntɔn un’to a un’kɔk. 5 U mun aba loor làsàmɛnà anki. Amu ba pɛl latɛy.