1 Un’kyeey kan’swɛŋ sye ngyäl a an’dà a mɔ̈ɔ̈, wàmutà in’ŋyäŋ asànaa talàtal. An’dà amà màkäl mutoo u kir a Nzam anà là un’tö a un’kɔk. 2 Uboboo a balàbal a kölàköl làbul, uboboo a indek myeel myà ngyäl, we anà un’te a mɔ̈ɔ̈. Wa kàfabɔrà mbalà kwem aŋiyweel anà kàpɛɛ imbɛŋ ngɔn wanswà. Nkay awa yà ntɔn mukɔɔr in’sɛŋ. 3 Un’küül ufàsàkal anki. Kir a imwol a Nzam anà un’tö a un’kɔk làsàkal uboo a bul, anà asyääl ande bàkyer asun’syäŋà. 4 Ba bàsàman ntabwey ande anà ikɔb ande isàkal kyàŋàsɔn u ntabwey aba. 5 Làpib làfàsàkal anki, ba bàfàsàkal anki anà mfun a pɛɛlà a mwinà itàkal làtaaŋ, ntɔn Mwol Nzam asàsà pɛɛlà ande udu a ba. Waa ba bàsàyaal mbul a in’tye.