IMƐƐY 7

Asyääl a Nzam ban’wal inyɛm ande

1 Ungö apan, mɛ kàmɛn akyeey anà bà umbäär kà antwɛrà a mɛɛn man’nà. Ba bàkäl mutà in’pöb a mɛɛn myà in’nà mpi, ntɔn akà un’pöb mwɛy ukɔ̈ɔ̈n alyaaŋ udu a mɛɛn, udu a ngyäl itàkal udu a un’te mwɛy. 2 Mɛ kàmɛn un’kyeey asin kan’too ntsü làfàsɛnà taaŋ. Nde kàkäär inyɛm a Nzam a mɔ̈ɔ̈ u kɔɔ ande. Nde kàsi in’kwɛŋ u ndaa a ngwal akà akyeey anà abà bàwɛl ikɔ̈b mupà mɛɛn anà ngyäl mpay: 3 « Twon lan’kyer ube akà mɛɛn, akà ngyäl itàkal akà in’te kusà bi mutàsà inyɛm u ntabwey a asyääl a Nzam abi. » 4 Apan mɛ kàwem un’tal a baar abà basi inyɛm: Nsaab nkam mwɛy an’kwem an’nà aŋinà kà in’sɛŋ a Isàlɛl myanswà. 5 Nsaab kwem aŋiyweel kà un’sɛŋ a Yudà, nsaab kwem aŋiyweel kà un’sɛŋ a Lubɛn, nsaab kwem aŋiyweel kà un’sɛŋ a Gad, 6 nsaab kwem aŋiywɛɛl kà un’sɛŋ a Asɛr, nsaab kwem aŋiyweel kà un’sɛŋ a Nɛftali, nsaab kwem aŋiyweel kà un’sɛŋ a Mànasi, 7 nsaab kwem aŋiyweel kà un’sɛŋ a Simɛyɔ, nsaab kwem aŋiyweel kà un’sɛŋ a Lɛvi, nsaab kwem aŋiyweel kà un’sɛŋ a Isakar, 8 nsaab kwem aŋiyweel kà un’sɛŋ a Zabàlɔn, nsaab kwem aŋiyweel kà un’sɛŋ a Yɔsɛfi, nsaab kwem aŋiyweel kà un’sɛŋ a Bɛnsàmɛn.