ƐFƐSƆ 1

Ngyamàkà a Pɔl

15 Kyakin, mɛ sye, fà kàwem mɛ làkwikilà abɛ amu Mwol Yɛsu anà ukwen abɛ ntɔn aŋin’kyɛɛl banswà, 16 mɛ in’fàyɔn anki mufuur an’tɔɔn ntɔn bɛ, umpal in’fàlatà mɛ din u ngyamàkà amɛ. 17 Wɛy naa Nzam a Mwol abi Yɛsu Klistɔ, Taa aŋàlàkoo, kàlapɛ dweelà a an’yeerà anà là imɛɛy ntɔn bɛ lun’yöb ubwaŋàbwaŋ, 18 wɛy nde uduub mpem abɛ u pɛɛlà ande, ntɔn bɛ làyöb naa làkyän nà alà mwo unsà làbeel ande, naa un’naaŋ a làkoo ande wà aben, kwal ufàlakääb nde anà aŋin’kyɛɛl, 19 unkaak a ngwal a kölàköl nà nde we awà ntɔn ubwaŋ abi, bi aŋàlàkwikilà. Ngwal ande ayi, nde ya kàtwey unsà unkaak a ngwal ande wanswà, 20 nde ya kàpɛ akà Klistɔ mpal kun’wiiy nde uboo a akü, anà kun’bwääy u kɔɔ ande là ibaal u du, 21 udu a imfum kyanswà, ikɔ̈b kyanswà, unkaak a ngwal wanswà, imwol kyanswà anà ikɔb kyanswà ban’kwo mutà din, kà nà u mɛɛn mà mpɛl anki, wɛɛ sye anà u mɛɛn amà isàyà. 22 Inye, Nzam kàsi indiir byanswà ungyɛl a in’kɔl a Yɛsu anà nde kun’pɛ akà Ikööŋ ntɔn mukal un’tswe a indiir byanswà. 23 Ikööŋ kya kyà ndür ande, nde awà ufàyööl Nzam ŋakwo a barbar.