João 2

Un’kyɔm a bɔr u Kana

1 Kyekà, ilä kyàtär, kàkäl anà un’kyɔm a bɔr mwɛy u Kana, u Ngalilɛ. Ngwän a Yɛsu kàkäl kwo. 2 Yɛsu sye bàkyer un’bel anà alɔŋki ande kà un’kyɔm awà. 3 Yàmɛnà naa man màkyer awà. Ngwän a Yɛsu kàtɛn a nde naa: « Ba vin latɛy. » 4 Wɛɛ Yɛsu kun’fuur naa: « Un’kaar wà, ngye anà mɛ inina? Taaŋ amɛ ŋàtàkwo anki. » 5 Ngwän waa kàtɛn a asyääl naa: « Làkyer yinà yanswà utɛn nde a bɛ. » 6 Paa màkäl anà an’buuŋ, an’buuŋ an’syaam mà nkɔŋ, amà bàfasyäälà Ayudà ntɔn mupöŋ ndür. U làbuuŋ làmwɛy man’kwo ibilà isii a an’litre an’kwem an’tär aŋitär. 7 Yɛsu kàswɛŋ asyääl naa: « Làyööl an’dà uboo a an’buuŋ mà. » Ba sye waa bàyööl ma tii u mɔɔl. 8 Yɛsu kàtɛn a ba naa: « Apanà, làtɛɛ an’dà anà làsyen ma akà mfum a un’kyɔm. » Ba waa bun’syeen ma. 9 Kàkyee nde, an’dà màkäl man’bulà vin. Nde kàyöb anki naa vin alà lan’fà ken. Wɛɛ asyääl bàtɛɛ an’dà bàkyer ayöb. Apan sye nde kàbel ŋabɔr, 10 waa kàtɛn a nde naa: « Baar banswà bàfàtapà vin aŋàbwaŋ. Ungö, isàkal naa baar ban’yɔr, waa bapà vin làkɔ̈ɔ̈n ntsà. Wɛɛ ngye, ngye vin a ntsà akyer asàlɔɔn tii apanà! »

11 Ayi nsɛmà a idiim a Yɛsu yàlyaaŋ u Kana a Ngalilɛ. Nde kàmɛɛy làkoo ande, alɔŋki ande waa bun’si làkwikilà.