YWAN 20

Yɛsu an’kàmɛnà akà Màlye a Makdalà

11 Màlye kàkäl u nsà, tsütsü a an’dii, wàmulelà. Umpal kàlelà nde, nde kànye ntɔn muler uboo a an’dii, 12 nde kàmɛn akyeey abɔ̈ɔ̈l bàkyàbwaar ipfɛy a pɛɛl, bàŋàbwaay kikal bàtɔ̈l ndom a Yɛsu, mwɛy ntsü a un’tswe, mwɛy ntsü a in’kɔl. 13 Akyeey bun’fuul naa: « Un’kaar, ntɔn nkye alelà ngye? » Nde kafuur naa: « Mwol amɛ bàmun’lwom, mɛ in’yöb anki naa bun’si ken. » 14 Ungö mutɛn abà, nde kàler ungö, waa kàmɛn Yɛsu kàkyàmbar paa, wɛɛ nde kàyöb anki naa awunà nde. 15 Yɛsu kàtɛn a nde naa: « Un’kaar, ntɔn nkye alelà ngye? Nà ngye aleŋà? » Wɛɛ nde kàsii naa un’syääl a làpaŋ kàkäl, waa kàtɛn a nde naa: « Mwol, isàkal naa ngye kun’lwom, nkyään, ngye kun’si ken, waa mɛɛ in’kun’wal. » 16 Yɛsu kàtɛn a nde naa: « Màlye! » Nde waa kàbulà, kun’fuur unsà Ibɛlyɔ naa: « Rabuni! », iswaŋà naa « Un’lɔɔŋ ». 17 Yɛsu kàtɛn a nde naa: « Twon aman’ba, ntɔn mɛ ŋàtàbeenà anki akà Taaràmɛ. Wɛɛ kyen kakyään atɔŋ amɛ naa mɛ an’beenà akà Taaràmɛ awà Taaràbɛ sye, akà Nzam amɛ awà Nzam abɛ sye. » 18 Abun, Màlye un’si Makdalà kàkyen akalɔŋki, waa kasam naa: « Mɛ, mɛ an’man Mwol, le ndaa kan’kyään nde. »