YWAN 5

21 Ntɔn, asànaa Taa ufàwiy nde akü anà ufapà nde mɔ̈ɔ̈, abun sye Mwan afàpà mɔ̈ɔ̈ akà mbuur awukwen nde. 22 Taa ufàtsüül anki mbuur nsaŋ, wɛɛ nde ikɔ̈b atsul nsaŋ kyanswà kàpɛ akà Mwan, 23 ntɔn baar banswà bàsi Mwan làkoo asànaa bàfàsà ba Taa làkoo. Mbuur mpa afàsà Mwan làkoo, nde sye Taa awà kun’töm ufun’sà anki làkoo. »

24 Nde kàkwɛy naa: « Ndandaa, ndandaa mɛ alàkyään, mbuur wanswà afàwem ndaa amɛ anà afàsà làkwikilà amu mbuur kan’töm, nde we anà mɔ̈ɔ̈ a mbul a in’tye, nde uyà anki u nsaŋ, wɛɛ nde kàkyàtoo itaan unsà ukwà, nde kàkyàwal mɔ̈ɔ̈. 25 Ndandaa, ndandaa mɛ alakyään, taaŋ làmuyà - la sye lan’kwo - alà bàsàwem akü ndaa a Mwan a Nzam. Baar bàsàwem ya, bàsàkal anà mɔ̈ɔ̈. 26 Ntɔn, asànaa Taa awà nde anà mɔ̈ɔ̈ amu nde ŋakwo, nde kàpɛ mbwo akà Mwan mukal anà mɔ̈ɔ̈. 27 Nde kun’pɛ ikɔ̈b mutsul nsaŋ, ntɔn nde wà Mwan a mbuur. 28 Twon lan’man ndaa yubem unsà ya, ntɔn taaŋ làmuyà alà bàsàwem baar banswà abà uboo a an’dii ndaa ande. 29 Baar bàkyer indiir aŋàbwaŋ bàsàwiyà ntɔn muwal mɔ̈ɔ̈, wɛɛ baar bàkyer indiir ibe, ba bàsàwiyà ntɔn nsaŋ. 30 Mɛ, mɛ in’kwe anki mukyer akà undiir mwɛy mɛ ŋakwo: mɛ in’fàtsul nsaŋ a ndaa in’fàwem mɛ, lalan mbar in’fàtsul mɛ yà balàbal, ntɔn mɛ in’fàleŋ anki ukwen amɛ ŋakwo, wɛɛ mɛ in’fàleŋ ukwen a mbuur kan’töm.

Imbäl ntɔn Yɛsu

31 « Ilàkal naa mɛ kàtɛɛ imbäl ntɔn mɛ ŋakwo, kya kyàlàkal anki kyà ndandaa.