YWAN 6

53 Abun, Yɛsu kakyään naa: « Ndandaa, ndandaa mɛ alàkyään: isàkal naa bɛ làdi anki un’sön a ndür a Mwan a mbuur anà bɛ lànü anki an’kil ande, bɛ mɔ̈ɔ̈ làsàkal awà anki. 54 Mbuur awadyà un’sön a ndür amɛ anà anwà an’kil amɛ, nde we anà mɔ̈ɔ̈ a mbul a in’tye, waa mɛ, mɛ insun’wiiy kà ilä a ntsüü. 55 Ntɔn un’sön a ndür amɛ wà isaa a ndandaa byàdyà anà an’kil amɛ mà man a ndandaa. 56 Mbuur awadyà un’sön a ndür amɛ anà anwà an’kil amɛ, nde wà amu mɛ anà mɛ in’wà amu nde. 57 Asànaa Taa awà kan’töm awà nde anà mɔ̈ɔ̈, mɛ sye in’wà anà mɔ̈ɔ̈ u mbwo ande. Abun, mbuur asan’dyà, nde asàkal anà mɔ̈ɔ̈ u mbwo amɛ: 58 Alà là làmpà làyàtɔlà fà du. La kà latɛy asànaa la akwà bàdi bànkaa abɛ. Ba, ba bàkyàkwà. Wɛɛ mbuur asàdyà làmpà là, nde asàkal anà mɔ̈ɔ̈ a mbul a in’tye. »