Baar a nsaay anà asɔ
31 Abun Yɛsu kàtɛn a Ayudà abà bàsi làkwikilà amu nde naa: « Isàkal naa bɛ, bɛ lan’lam u ndaa amɛ, ndandaa bɛ làbà alɔŋki amɛ. 32 Abun, bɛ làsàyöb ndandaa, waa ndandaa isàlabuul baar a nsaay. » 33 Ba bun’fuur naa: « Bi, bi ibà itoo a Abàlam, bi kàsàkal anki asɔ a mbuur mwɛy akà ikikye. Aben ngye, ngye atɛɛnà naa: "Bɛ làsàbulà baar a nsaay"? » 34 Yɛsu kafuur naa: « Ndandaa, ndandaa mɛ alàkyään: mbuur wanswà afàkyer man’be, nde wà un’sɔ a man’be. 35 Un’sɔ ufàbwaay anki ipepey u ndwà, wɛɛ mwan afàbwaay ipepey kwo. 36 Abun, isàkal naa Mwan kàmàlakɔɔr, bɛ làsàkal baar a nsaay bàndandaa.