Lucas 1

Un’kyeey mwɛy kan’kyään mböör a Yɛsu

26 U ngɔn wàsyaam, Nzam kàtöm un’kyeey Ngàbàlye u bul mwɛy là Ngalilɛ ikɔb a la Nasàlɛr, 27 akà mwan un’kaar unkɔr awà kàtɛ Yɔsefi mbuur a mbil a David ntüüm, ikɔb ande Màlye. 28 Un’kyeey kàbilà u ndwà ande waa kàtɛn naa: « Mbɔr angye, Mwol kan’swaŋ ubwaŋ ande mbɔɔn akà ngye, nde wà anà ngye. » 29 Màlye kàmɛn ndaa yubem, waa kàyayweerà naa mbɔr ayi ikaswaŋà aben. 30 Apan, Un’kyeey kàtɛn a nde naa: « Màlye, twon an’man bɔɔmà, ntɔn Nzam kàmaswaŋ ukwen ande banswà. 31 Le, ngye ayàkal yöm, ngye ayàbɔr mwan baal, ngye ayun’pà ikɔb a Yɛsu. 32 Nde asàkal mbuur a kölàköl, bàsun’beelà Mwan a Nzam a Dudu. Mwol Nzam asun’sà u kir a imfum a nkaa ande David. 33 Nde asàyaal ipepey u ndwà a Yakɔb, imwol ande sye isàtsü anki. » 34 Màlye waa kàtɛn a un’kyeey naa: « Ya abwɛy iyàkal aben ntɔn mɛ ŋàtàkal anki anà baal? » 35 Un’kyeey kun’fuur naa: « Dweelà In’kyɛɛl ayàkal udu angye, ngwal a Nzam a Dudu ikyer ayafwee asànaa kilàpib. Lalan mwan in’kyɛɛl ayàbɔr ngye bàsun’beelà Mwan a Nzam. 36 Le, un’tɔŋ angye Làsàbɛr sye we anà yöm a mwan baal unsà inün ande. Bàfatɛɛnà naa nde wà ikɔb, wɛɛ ŋàbawà yöm ande là u ngɔn wàsyaam. 37 Ntɔn undiir kan’kwo mukɔ̈ɔ̈n Nzam watɛy. » 38 Apan Màlye kàfuur naa: « Mɛ in’wà un’tsüüŋ a Mwol. Wɛy ndaa yanswà an’tɛn ngye ikäl abwɛy. » Un’kyeey waa kàsun’wɛy.