LUKÀ 13

12 Mpal kun’mɛn Yɛsu, nde waa kun’bel, kàtɛn a nde naa: « Un’kaar, ngye an’kɔɔrà unsà nkwɛkà angye! » 13 Nde kàsi an’kɔɔ ande udu a un’kaar awà, taaŋ nsil alan un’kaar waa kàsubà, laa kàsɛmà nde musyäŋà Nzam. 14 Wɛɛ mfum a ndwà a nköŋ a Ayudà kàwem nkyɛl ntɔn Yɛsu kàkɔɔr nde mbuur ilä a saba. Apan nde kàtɛn a baar banswà naa: « Ilä mukyer isal byà isyaam, làyi kà ilä abin ntɔn bàlakɔɔr, wɛɛ kà ilä a saba anki! » 15 Mwol waa kun’fuur naa: « Bɛ làbà baar a loor! Mbuur wanswà uboo abɛ afàbäm ngɔɔmà ande itàkal ntab ande kà ikal ufàdyà wa anà mukun’nüü ilä a saba. Kabwɛy anki? 16 Wɛɛ un’kaar wà, mwan a Abàlam kàkör Satanà wà mbul kwem aŋinaan, bàlun’kɔɔr anki in’siŋ ande ntɔn ŋàbà ilä a saba? »