12 Mpal kàkäl nde tsütsü mubilà u bul mwɛy, aŋakyal a bay kwem bàyi akà nde, ba bàmbär u kwɛl 13 waa bàsɛn ndaa: « Yɛsu, Un’lɔɔŋ, iwem ngyɛb! » 14 Mpal kamɛn Yɛsu, nde kàtɛn a ba naa: « Làkyen kàlamɛnà akà angaŋ. » Mpal bàkäl ba u mbwo, laa bàkɔɔrà ba. 15 Umwɛy uboo aba kàmɛn nde naa nde kan’kɔɔrà, waa kàyàfurà, wàmuyisyäŋà Nzam u ndaa a dudu. 16 Apan, waa kàbü, ntabwey u mɛɛn, kà in’kɔl a Yɛsu, waa kun’kömà. Mbuur awà kàkäl un’nsi Samalya. 17 Waa Yɛsu kàtɛn naa: « Ba bàkwem bàkyer akɔɔrà, wɛɛ bàken baar wà bumwɛy? 18 Akà mbuur mwɛy ukäl anki anà an’kyän muyàfurà ntɔn mukömà Nzam, ilàkɔɔn akal ungyey abarankye wà? » 19 Apan Yɛsu kàtɛn a nde naa: « Mbarà, kyen, làkwikilà angye làmatswà mɔ̈ɔ̈. »